ཇི་མེལ་(Gmail)དྲ་འཕྲིན་གྱི་བདེ་འཇགས་ངོ་སྤྲོད།

དེང་གི་དུས་སུ། གའུ་གུལ་Google ནི་འཛམ་གླིང་ཁྱོན་ན་བརྡ་འཕྲིན་དྲ་བའི་ཞབས་ཞུ་མ་ལག་རྒྱ་ཆེ་ཞིང་བརྡ་འཕྲིན་མ་ལག་གི་གསང་རྒྱ་དམ་པ་ཞིག་ཡིན། ཚོགས་པ་འདིས་གསར་དུ་བཏོད་པའི་བརྡ་འཕྲིན་ཡོ་བྱད་ལ། ཆ་འཕྲིན་འཚོལ་ཞིབ་དྲ་བwww.google.com དང་། དྲ་འཕྲིན་emailགཏོང་ལེན་གྱི་ཞབས་ཞུའི་ཡོ་བྱདGmailདང། སྒྲ་གཟུགས་ཡིག་གསུམ་གྱི་དྲ་ཐོག་གླེང་མོལ་མཉེན་ཆས Google Talk དང་། ས་ཁྲའི་ཡོད་བྱད་Google Earth ལ་སོགས་ཡོད། དགའ་འོས་པ་ཞིག་ལ། གའུ་གུལ་བརྡ་འཕྲིན་མ་ལག་ཏུ་ཧི་གཟུགས་བོད་ཡིག་བཀོལ་ཆོག འཛམ་གླིང་གི་མི་ཕལ་མོ་ཆེས་ལག་ལེན་ཁྲོད་ནས་བརྡ་འཕྲིན་ཡོ་བྱད་འདི་དག་ནི་བཀོལ་བདེ་ལ་གསང་རྒྱ་དམ་པོ་ཡིན་པར་བློ་འཁེལ་ཡོད། ཁོ་བོས་གང་ཤེས་ཚོད་ལྟར་དེ་དག་རེ་རེ་ངོ་སྤྲོད་རགས་ཙམ་བགྱི་བསམ་པ་དང་། སྐབས་སུ་བབ་པའི་ཇི་མེལ་གྱི་ངོ་སྤྲོད་ནི་གཤམ་དུ་དགོད་པར་བྱའོ།།

Gmail

ཇི་མེལ Gmail ནི་བརྡ་འཕྲིན་གྱི་གསང་རྒྱ་དམ་པའི་གློག་འཕྲིན་emailགཏོང་ལེན་དྲ་རྒྱའི་མ་ལག་ཅིག་ཡིན། དེ་ནི་རིན་འབབ་སྤྲོད་མི་དགོས་པར་ཐོ་དགོད་དང་བེད་སྤྱད་ཆོག ཐོ་འགོད་ཀྱི་དྲ་ངོས་ནི https://www.google.com/accounts/ServiceLogin ཡིན་པ་དང་། ཐོ་འགོད་སྟངས་ནི་གློག་འཕྲིན་མ་ལག་གཞན་དང་མཚུངས་སྟེ། ལམ་སྟོན་གྱི་གོ་རིམ་ལྟར་དགོས་ངེས་ཀྱི་གནས་ཚུལ་ཁ་སྐོང་དགོས། དེར་ཁ་དོག་དམར་པོའི་རྟགས་*ཡོད་པ་རྣམས་ནི་ངེས་པར་སྐོང་དགོས་པ་དང་གཞན་དག་ནི་མ་བསྐངས་ཡང་ཆོག འདིའི་སྐོར་དཔེ་རིས་ཀ་བ་ལ་གཟིགས།

Gmail

ཐོ་བཀོད་ཚར་ན་མཉམ་འཇོག་དགོས་པའི་དོན་ཚན་ཁ་ཤས་ཡོད་དེ། དཔེ་རིས་ཁ་བ་དང་། ག་བ་དང་པོ་དང་ག་བ་གཉིས་པ་ལྟར་དུ། རང་གི་ཇི་མེལ་ཐེམ་ཐོའི་སྒེའུ་ཁུང་གི་སྒྲིག་སྟངས་Setting ངམ་རྒྱ་ཡིག་གི་设置ལས་དྲ་བར་འཇུག་སྟངས་ཀྱི་གདམ་ཁ་དེ https སྟེང་དུ་འཇོག་དགོས་པ་དཔེ་རིས་ག་བ་ལྟར་ཡིན། དེ་ནས་ངོས་དེའི་གཤམ་མཐའ་ན་ Save Change འམ་རྒྱ་ཡིག་གི保存更改ཞེས་པ་དེ་མནན་ནས་གསོག་ཉར་བྱ་དགོས། དེ་མིན་བཅོས་བསྒྲིགས་ལ་ནུས་པ་མི་འབྱུང་།
httpsཞེས་པ་ནི་དྲ་བའི་མ་ལག་ནས་གཏོང་ལེན་བྱ་བའི་བརྡ་འཕྲིན་ཡོད་ཚད་གསང་བརྡར་བསྒྱུར་ནས་གའུ་གུལ་བརྡ་འཕྲིན་གཏོང་ལེན་ཡོ་བྱད་ཕན་ཚུན་བར་མ་གཏོགས། གཞན་གྱིས་དེའི་བར་ནས་གསང་རྒྱ་གཏོར་མི་ནུས། དེ་མིན་པའི་http ཡིས་བརྡ་འཕྲིན་གསང་བརྡར་མི་སྒྱུར་བར་སྤྱིར་བཏང་གི་བརྡ་འཕྲིན་རྣམ་པའི་གཏོང་ལེན་བྱ་བ་ཡིན། https ནི་དྲ་རྒྱའི་བརྡ་འཕྲིན་ཚོགས་གཞན་གྱིས་ཀྱང་ཉམས་སུ་ལེན་པ་ཡིན་ལ། སོ་སོར་གསང་རྒྱ་བྱ་སྟངས་མི་འདྲ་བ་ཡོད།

ཇི་མེལ Gmail གློག་འཕྲིན་ལས་རང་གི་དུས་ཚོད་ནམ་དང་ས་ཆ་གང་ནས་ཡིག་སྒམ་ཁ་ཕྱེས་པ་དང་དྲ་གནསIP་གང་ཡིན་ཐོ་འགོད་པ་ཡིན། འདི་ནི་གློག་འཕྲིན་མ་ལག་གཞན་མང་པོར་མེད་པའི་དོན་ཚན་ཞིག་ཡིན། དཔེ་རིས་ག་བ་གཉིས་པ་དང་ང་བ་ལྟར་དུ། Gmail གྱི་འབྱོར་འཕྲིན་གྱི་སྒེའུ་ཁུང་གི་ངོས་དེའི་གཤམ་མཐའི་གཡས་ཟུར་ན Details ཞེས་པའམ་རྒྱ་ཡིག་གི་详细 ཞེས་པའི་ཚོས་གཞི་སྔོན་པོ་ཅན་གྱི་ཡི་གེ་དེ་མནན་ན། ཡིག་སྒམ་ཁ་ཕྱེས་པའི་ཐོ་ཞིག་འཆར་འོང་བ་དང་དེ་ལ་བལྟས་ན། གཞན་གྱིས་རང་གི་ཡིག་སྒམ་གསང་གྲངས་ཤེས་ཡོད་མེད་ལྟ་ཐུབ། དཔེར་ན། ཁྱོད་ཀྱིས་ཟི་ལིང་ནས་ཇི་མེལ་གྱི་ཐེམ་ཐོར་ཞུགས་ཡོད་ཀྱང་། ཐོ་བཀོད་པའི་གནས་ཚུལ་དུ་ཁ་འབྱེད་སའི་དྲ་གནས་IPདེ་པེ་ཅིན་གྱི་ཡིན་ན། ཁྱོད་ཀྱི་ཇི་མེལ་ཐེམ་ཐོ་དེ་གཞན་གྱིས་ཁ་ཕྱེས་པ་ཤེས། དེ་ལྟར་གནད་དོན་ཡོད་པ་ཤེས་ན། མྱུར་དུ་ནང་འཇུག་གི་གསང་གྲངས་བརྗེ་དགོས། གསང་གྲངས་གང་ཡིན་ཡང་དབྱིན་ཡིག་གི་གཟབ་བྲིས་ཡི་གེ་དང་། ཤད་ཀྱི་རིགས ། གྲངས་ཀའི་རིགས་བསྲེས་ནས་གྲུབ་ན། མི་ངན་གྱིས་གསང་རྒྱ་གཏོར་བར་དཀའ་ངལ་ཆེ་རུ་གཏོང་ནུས་པ་ཡིན།

གསལ་བཤད་བྱ་དགོས་པ་ནི། གལ་སྲིད་ཁྱོད་དང་དྲ་གནས་IP་གཅིག་པའི་ས་ཆ་ནས་གཞན་གྱིས་ཁྱོད་ཀྱི་ཇི་མེལ་ཁ་ཕྱེ་ཡོད་ན། དྲ་གནས་IPགཅིག་མཚུངས་ཡིན་ཡང་། ཁ་ཕྱེ་བའི་དུས་ཚོད་ལ་བལྟས་ཏེ་རང་གིས་ཁ་ཕྱེ་ཡོད་མིན་ཤེས་ཐུབ། ཡང་ཁྱོད་ཀྱིས་དྲ་གནས་གསང་བྱེད་ཀྱི་མཉེན་ཆསTor བེད་སྤྱོད་ཀྱིན་ཡོད་ན། རང་གི་ཁ་ཕྱེ་སའི་དྲ་གནས་དངོས་དེ་སྦས་པའི་དབང་གིས་ཐོ་རུ་བཀོད་པའི་དྲ་གནས་མི་འདྲའོ།།
ཇི་མེལ་འཕྲིན་སྒམ་ནས་ཕྱིར་འབུད་ཐབས་ནི་དཔེ་རིས་ཅ་བ་ལྟར་ཡིན།

ཐོ་མིང་དང་གསང་གྲངས་ནང་འཇུག་གི་སྐབས་སུ། ནང་འཇུག་དྲ་མིག་གི་གཤམ་ན། ཐོ་མིང་དང་གསང་གྲངས་ཉར་བ་ཞེས་པའི་ཚིག་མགོ་ན་གདམ་ངའི་དྲ་མིག་གྲུ་བཞི་སྟོང་པ་ཞིག་ཡོད། དེ་དཔེ་རིས་ཀ་བ་ན་གསལ། གལ་སྲིད་གྲུ་བཞི་སྟོང་བ་དེར་རྟགས་གང་རུང་གིས་གདམ་ཁ་བྱས་ཡོད་ན། དྲ་མིག་དེའི་སྟེང་དུ་ཙིག་མདའ་ཡིས་རྡེབ་ནས་སྟོང་པ་བྱ་དགོས། འོན་ཀྱང་། གློག་ཀླད་དེ་རང་ཉིད་གཅིག་པུས་བེད་སྤྱོད་པ་ཡིན་ན་དེ་ལྟར་མ་བྱས་ཀྱང་ཆོག དྲ་ཁང་སོགས་བེད་སྤྱོད་མི་སྣ་མང་ཡིན་པའི་གློག་ཀླད་ཡིན་ན། ངེས་པར་དྲ་མིག་གྲུ་བཞི་དེ་གདམ་ཁ་བྱས་ཡོད་མེད་ལ་གཟབ་དགོས། དེ་མིན་ཁྱོད་ཀྱི་རྗེས་སུ་མི་གཞན་ཐེམ་ཐོ་དེ་ལ་འཇུག་སྐབས་སུ། ཁྱོད་ཀྱི་ཐེམ་ཐོ་དེ་རང་བཞིན་གྱིས་ཁ་ཕྱེ་བ་ཡིན། དེ་འདྲ་བྱུང་ན་ཁྱོད་ཀྱི་ཐེམ་ཐོའི་བརྡ་འཕྲིན་གསང་བ་ཡོད་ཚད་གཞན་ལ་ཤོར་སྲིད།

ངོ་སྤྲོད་འདི་སྔར་མཚོ་སྔོན་པོ་བོད་ཡིག་ཟིན་བྲིས་སུ་སྤེལ་མྱོང་བ་དང་། ད་ཐེངས་ལེགས་སྒྲིག་བྱས་ཏེ་འདིར་སྦྱར་བའོ།།

དཔྱད་མཆན་སྤེལ།

ཡིག་ཟམ་ས་གནས་ཀུན་པོར་མི་བསྒྲགས། རྟགས * ཅན་ངེས་པར་དུ་བླུགས་དགོས།