WordPress ཆེད་བཟོས་བོད་ཡིག་བཟོ་ལྟའི་མཐུད་སྣེ།

ཉེ་ཆར་བོད་ཡིག་བརྡ་འཕྲིན་ལག་རྩལ་དྲ་བས་ WordPress ཆེད་བཟོས་བོད་ཡིག་བཟོ་ལྟའི་མཐུད་སྣེ་ (Plugin) ཞིག་བཟོས་ཡོད་པ་དང་། འདིའི་ཁྱད་ཆོས་གཙོ་བོ་ནི།

  1. WordPress དྲ་ཚིགས་ལྟག་རྒྱབ་ཏུ་སོར་བཞག་ཡིག་གཟུགས་དེ་རང་འགུལ་གྱིས་ “Jomolhari” ཡིག་གཟུགས་དུ་བསྒྱུར་ནས་ Windows ནང་གི་ཧི་མ་ལ་ཡ་ཡིག་གཟུགས་ཆུང་དྲགས་པའི་གནད་དོན་དེ་སེལ་ཐུབ།
  2. དྲ་ཚིགས་ཀྱི་མདུན་ཐད་དཔེ་སྒྲོམ་ཡིག་གཟུགས་ལ་ “Jomolhari” སྤྱད་ཡོད་པ་ཞིག་ཡིན་ན་རང་འགུལ་གྱིས་དྲ་ངོས་ཡིག་གཟུགས (Google Fonts) ལ་སྦྲེལ་ཐུབ་པ་དང་། ཁྱེད་རང་གི་ལས་ཀའི་དུས་ཚོད་མང་པོ་ཞིག་གྲོན་ཆུང་བྱེད་ཐུབ་པ་ཡིན།
  3. མཐུད་སྣེ་འདི་ནི་རིན་མེད་མཉམ་སྤྱོད་ཡིན།

མཐུད་སྣེའི་མིང་། Tibetan Style
བཟོ་སྐྲུན་བྱེད་མཁན། Bumpa G. Rebkong
ཕབ་ལེན་བྱེད་ས། WordPress དྲ་ཚིགས་ལྟག་རྒྱབ་ཏུ་མཐུད་སྣེ་ཁ་སྣོན་ཁྲོད་དུ Tibetan Style ཅེས་བཙལ་ན་རྙེད་ཐུབ་པ་དང་། ཐད་ཀར WordPress གཞུང་ཕྱོགས་དྲ་ཚིགས་ཀྱི་མཐུད་སྣེའི་ཁྲོད་ནས་ཕབ་ལེན་བྱས་ཀྱང་ཆོག་པ་ཡིན། https://bo.wordpress.org/plugins/tibetan-style/

དྲ་ཚིགས་ཀྱི་མདུན་ཐད་དཔེ་སྒྲོམ་ཁྲོད་དུ་བཀོལ་སྤྱོད་བྱེད་སྟངས་ནི། དཔེར་ན་གཤམ་གསལ་ལྟར།

font-family: Georgia, Times, "Times New Roman", Kokonor, "Tibetan Machine Uni", Jomolhari, serif;

“WordPress ཆེད་བཟོས་བོད་ཡིག་བཟོ་ལྟའི་མཐུད་སྣེ།” སྟེང་དུ་དཔྱད་མཆན 2 ཡོད།

  1. མཐུད་སྣེ་གསར་པ་དེ་ཕན་ཐོག་ཆེན་པོ་བྱུང་། བོད་ཡིག་དྲ་ཚིགས་བདག་ཉར་བྱེད་མཁན་གྱི་དཀའ་ངལ་དེ་ཉི་མ་དེ་རིང་ནས་སེལ་བ་རེད། ཁྱེད་ཀྱི་བྱ་གཞག་ལ་དགའ་མགུ་དང་ཡིད་རངས་བསྔགས་བརྗོད་ཞུ།

  2. མཉམ་སྤྱོད་གནང་བར་དཀའ་དྲིན་ཤིན་ཏུ་ཆེ། འདི་མ་རྙེད་གོང་གུས་པས་WordPressཔར་གཞི་འདིའི་མདུན་ལྟེག་བོད་ཡིག་ཏུ་བསྒྱུར་དགོས་ཐུག་བྱུང་། དེ་དུས་དཀའ་ངལ་སྣ་ཚོགས་ཕྲད་པ་མ་ཟད་ལེགས་སྒྲུབ་ཡག་བྱུང་མ་སོང་། ད་ཆ་འདི་གར་མཉམ་སྤྱོད་བྱས་པ་མཐོང་དུས་དགའ་བ་དཔག་མེད་སྐྱེད་བྱུང་།

དཔྱད་མཆན་སྤེལ།

ཁྱེད་ཀྱི་གློག་ཡིག་གི་ས་གནས་དེ་ཁྱབ་སྤེལ་བྱེད་ཀི་མིན། རྟགས * ཅན་ངེས་པར་དུ་བླུགས་དགོས།